السلام عليكم و رحمة الله و بركاته
طبعا اخوانى الأعزاء انا و بكل اسف شديد خاب املى فى الكورة الجديدة pes2010 و طبعا اغلبكم معايا فى نفس الرأى و هقولكم عدة اسباب تخلينى احكم عليها بالفشل :
1- حراس المرمى مفيش اسهل من كدة دا حتى بوفون ممكن الجون يدخل من جانب اذنه وبكل سهولة و كمان شىء تانى ممكن و انت مطلع الحارس علشان يطلع يشوت كورة طويلة مرتدة عليك زى الليبرو مثلا تلاقيه يتزحلق و يسيب الكورة تعدى للخصم ...ههههه و الله انا مستغرب .
2-طبعا نادر جدا لو الواحد عمل مهارة او ترقيصة زى ما بنقول عليها فى مصر ولو حصل بيكون بعد طلوع الروح و الكورة بتطول من اللاعب ومش بيقدر يستحوز عليها بسهولة و تحس و كان اللاعب مثل السيارة اللى من غير باور و بيلف بصعوبة .
3- ودى النقطة الاهم ان التبديلات فى الخطة مش بيتعمل لها سيف ولا حتى اسهم اللاعبين مش بيتعمل لها سيف و تضطر فى كل ماتش تعمل التغييرات و الاسهم من جديد !!!!! عجيبة الكورة الجديدة !!
4- مفيش معلقين زى الكورة القديمة بل هو معلق واحد مفروض عليك فرض .
5- رمية التماس كنت فى 2009 تقدر تلعبها بزرار المثلث (البينية ) لكن فى 2010 طبعا متقدرش .
6- فى ال2009 كنت تقدر تشيل الحيطة فى الفاولات لكن فى 2010
متقدرش تشيل الحيطة اللى الكومبيوتر بيحطها لكن ممكن تزود عليها و تقدر تشيل اللى زودته .!!!!
7- الكورنار طبعا نادر جدا لو عملتو صح و احرزت منه هدف
فى النهاية بصراحة انا حزين جدا ومش انا لوحدى و ناس كتير جدا من اصحابى لأن مش دى الكورة اللى كنا منتظرينها بعد طول غياب تكون بكل السلبيات دى و بكل الاخطاء دى و ياريت ثمنها قليل او حتى تكون غالية بس تكون افضل من القديمة و بصراحة انا واحد من الناس حابب العب 2009 عن 2010 وياريت لو تشاركونى برأيكم يمكن اكون انا اللى غلطان او مش فاهم ولو كلامى صح ياريت تقولولى انكم كمان مش عجباكم
تحياتى للجميع
الأربعاء يناير 27, 2010 3:08 pm
